حسبِ معمول دسمبر بھی گزر جائے گا
سال اک ماضی کے مدفن میں اُتر جائے گا
وقت خود کار مشینوں کی طرح چلتا ہے
بے نیاز اس سے کوئی ساتھ ہے یا رُکتا ہے
ہم سے اس سال جو بچھڑے ہیں وہ یاد آئیں گے
سال آئندہ میں کچھ اور بچھڑ جائیں گے
کس کو معلوم ابھی باقی ہے مدت کتنی
اپنے مولا کو منا لینے کی مہلت کتنی
شان سے روز نئی جلوہ گری ہے اُس کی
نظمِ فطرت میں یہ سب کاریگری ہے اُس کی
ہر نئی رات نیا دن ہو مبارک یا رب
سالِ آئندہ ہو ہم سب کو مبارک یا رب
احمدیت کا شجر پھولے پھلے ہم دیکھیں
پیارے آقا رہیں خوش باش یہ ہر دم دیکھیں
خوش رہے مجھ سے تو میں تجھ سے ہوں راضی پیارے
تیر ی آغوش میں آئے مری باری پیارے
(امۃ الباری ناصر۔امریکہ)
