افریقہ میں متأثرین کی تعداد 4 لاکھ سے تجاوز کرگئی/تنزانیہ کے تعلیمی ادارے کھل گئے/ آسٹریلیا میں دوبارہ لاک ڈاؤن/سویٹزرلینڈ میں نئی قرنطینہ پالیسی کا اطلاق/سپین -پرتگال بارڈر کھل گیا/قطر میں لاک ڈاون میں مزید نرمی/نائجیریا میں جون کے مہینہ میں کورونا متأثرین میں انتہائی اضافہ
اعدادو شمار
متاثرہ افراد :1 کروڑ5لاکھ 60ہزار اموات: 5لاکھ12ہزار
براعظم صورتحال
(عالمی ادارہ صحت کے ماتحت علاقے)
براعظم/ علاقے |
متأثرین |
| امریکہ | 5218590 |
| یورپ | 2692086 |
| مشرقی بحیرہ روم کے علاقے (مصر ، لیبیا،شام ، فلسطین،ترکی وغیرہ) | 1077426 |
| جنوب مشرقی ایشیا | 808906 |
| افریقہ | 306794 |
| جزیرہ جات (نیوزی لینڈ،آسٹریلیاء ،فجی ، جاپان ، ملائیشیاء وغیرہ ممالک) | 217146 |
درجہ بندی ممالک بلحاظ متأثرین
| ملک | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | امریکہ | 2573393 | 126573 | 35757 | 370 |
| 2 | برازیل | 1368195 | 58314 | 24052 | 692 |
| 3 | روس | 647849 | 9320 | – | – |
| افریقہ |
کل متأثرین: 4لاکھ 4ہزار اموات: 10ہزار 1سو ریکور ہونے والے: 1 لاکھ 92ہزار (africanews) |
||||
| درجہ بندی | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | جنوبی افریقہ | 151209 | 2657 | 6945 | 128 |
| 2 | مصر | 68311 | 2953 | 1557 | 81 |
| 3 | نائجیریا | 25694 | 590 | 561 | 17 |
دنیا بھر میں 24 گھنٹوں میں اب تک اس وائرس سے Recover ہونے والوں کی تعداد 1لاکھ12ہزار سے زائد رہی جبکہ اب تک کی کُل تعداد 53لاکھ78ہزار ہے۔ جن میں برازیل میں سب سے زیادہ 7لاکھ88ہزار لوگ Recover ہوئے،اس کے بعدامریکہ میں 7لاکھ20ہزار جبکہ روس میں 4لاکھ 22ہزار Recover ہوئے ہیں۔
(John Hopkins University)
گزشتہ 24 گھنٹوں میں عالمی سطح پر متأثرین کی تعدادمیں تشویشناک 1لاکھ36ہزارکااضافہ ہوا۔اسی طرح اموات میں3ہزار5سوکااضافہ ہوا ہے۔
عالمی خبریں
- افریقہ میں متأثرین کی کل تعداد 4 لاکھ سے تجاوز کرچکی ہے جبکہ اموات کی تعداد بھی 10 ہزار سے زیادہ ہے۔ اب تک Recover ہونے والوں کی تعداد 1 لاکھ 93 ہزار ہے۔ (افریقن نیوز)
- تنزانیہ میں تعلیمی ادارے تقریبا 3 ماہ کے لاک ڈاؤن کے بعد دوبارہ کھل چکے ہیں۔البتہ حکومت کی طرف سے تمام تعلیمی اداروں کو سخت ترین حفاظتی اقدامات کرنے کی تلقین کی گئی ہے۔ (افریقن نیوز)
- نائجیریا میں کورونا متأثرین میں مسلسل اضافہ جاری ہے۔ جون کے مہینہ میں متأثرین کی تعداد 15 ہزار سے تجاوز کرگئی ہے۔جبکہ یہ تعداد مئی کے آخر میں محض 10 ہزار تھی۔اسی طرح تقریبا 303 اموات ہوچکی ہیں۔ (افریقن نیوز)
- آسٹریلوی حکام نے کورونا کے خدشہ کے پیش نظر ملک میں چیدہ چیدہ مقامات پر دوبارہ لاک ڈاؤن کا ارادہ کیا ہے۔ چنانچہ اسی ضمن میںMelbourne اور اس کے مضافات میں تقریبا 3 لاکھ افراد پر لاک ڈاؤن کا اطلاق کیا جائے گا۔ (الجزیرہ)
- سوٹزرلینڈ حکومت نے کورونا سے زیادہ متأثر ہونے والے ممالک سے آنے والے مسافروں پر قرنطینہ کے نئے قوانین کا اطلاق کردیا ہے۔ان ممالک میں سویڈن بھی شامل ہے۔اسی طرح حکومت نے پہلے ہی ملک میں ماسک پہننے کی پابندی لاگو کر رکھی ہے۔ (الجزیرہ)
- سپین اور پرتگال کے مابین واقع بارڈر بھی اب کھول دیا گیا ہے۔16 مارچ سے دونوں ممالک کے بارڈرز کورونا کی شدت کی وجہ سے بند کردئے گئے تھے۔ (الجزیرہ)
- قطر میں کورونا مریضوں میں خاطر خواہ کمی کے بعد آہستہ آہستہ لاک ڈاون میں نرمی کی جانے لگی ہے۔ حال ہی میں اب مساجد کے علاوہ ریستوران اور دیگر ہوٹلوں کو بھی کھولنے کی اجازت دی جاچکی ہے۔ (الجزیرہ)
(ابوحمدانؔ)
