ایک افریقی کہاوت ہے کہ ’’کتنا بھی خوبصورت اورمزین تابوت نظر آتا ہو۔ لیکن وہ کسی میں مرنے کی خواہش پیدا نہیں کرسکتا۔‘‘
کہا جاتا ہے کہ یہ ایک پرانی افریقی کہاوت ہے گو افریقی لوگوں میں تابوت کا استعمال عام نہیں۔ شاید اسی وجہ سے اس کہاوت نے جنم لیا ہوگا۔ کیوں کہ جیسا بھی خوبصورت تابوت ہو وہ کسی انسان میں بھی موت کی خواہش نہیں پیدا کرتا۔ یعنی ہر چمکتی چیز سونا نہیں ہوتی۔یہ کہاوت ہمیں عبث خواہشات کے پیچھے بھاگنے سے رکنے کا کہتی ہے۔ بظاہر خوبصورت نظر آنے والی چیزیں نظروں کو شاید بھلی معلوم ہوں لیکن شاید وہ کسی کھائی میں کھینچنے کا عندیہ دے رہی ہوں۔
(ذیشان محمود۔ سیرالیون)
