جرمنی میں Meat Industry سے منسلک کارکنان کی بدحالی/برطانیہ میں قرنطینہ پالیسی تبدیل/ہندوستان میں ایک روز میں انتہائی اضافہ/سکاٹ لینڈ کے وزیر کی برطانوی قرنطینہ پالیسی پر تنقید/جاپان میں اب کوئی ایمرجنسی نہیں لگے گی/تھائی لینڈ حکومت انتہائی پرعزم/اسرائیل میں مزید 1000 متأثرین
اعدادو شمار
متاثرہ افراد: 1کروڑ 8لاکھ 97ہزار اموات: 5لاکھ 21ہزار
براعظم صورتحال
(عالمی ادارہ صحت کے ماتحت علاقے)
| براعظم/ علاقے | متأثرین |
| امریکہ | 5445710 |
| یورپ | 2747810 |
| مشرقی بحیرہ روم کے علاقے (مصر، لیبیا،شام، فلسطین، ترکی وغیرہ) | 1115561 |
| جنوب مشرقی ایشیا | 860785 |
| افریقہ | 329796 |
| جزیرہ جات (نیوزی لینڈ، آسٹریلیاء، فجی، جاپان، ملائیشیاء وغیرہ ممالک) | 219543 |
درجہ بندی ممالک بلحاظ متأثرین
| ملک | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | امریکہ | 2671220 | 127858 | 54271 | 725 |
| 2 | برازیل | 1448753 | 60632 | 46712 | 1038 |
| 3 | روس | 661165 | 9683 | 6718 | 176 |
| افریقہ |
کل متأثرین: 4لاکھ 32ہزار اموات: 10ہزار 6سو ریکور ہونے والے: 2 لاکھ7ہزار (africanews) |
||||
| درجہ بندی | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | جنوبی افریقہ | 168061 | 2844 | 8728 | 95 |
| 2 | مصر | 71300 | 3120 | 1485 | 86 |
| 3 | نائجیریا | 27110 | 616 | 626 | 13 |
دنیا بھر میں 24 گھنٹوں میں اب تک اس وائرس سے Recover ہونے والوں کی تعداد 2لاکھ 76ہزار سے زائد رہی جبکہ اب تک کی کُل تعداد 55لاکھ 01ہزار ہے۔ جن میں برازیل میں سب سے زیادہ 9لاکھ 57ہزار لوگ Recover ہوئے، اس کے بعدامریکہ میں 7لاکھ 82ہزار جبکہ روس میں 4لاکھ 37ہزار Recover ہوئے ہیں۔
(John Hopkins University)
گزشتہ 24 گھنٹوں میں عالمی سطح پر متأثرین کی تعدادمیں تشویشناک 1لاکھ86ہزار کا اضافہ ہوا۔ اسی طرح اموات میں 4ہزار 5سو کا اضافہ ہوا ہے۔
عالمی خبریں
- جرمنی میں کورونا اقدامات میں جہاں Meat Industry کے انتہائی متأثر ہونے کی خبریں گردش میں رہی ہیں وہیں حال ہی میں ایک کارکن نے اس بات کا اظہار کیا ہے کہ ان سے انتہائی انتھک محنت کروائی جاتی ہے مگر کسی قسم کے کوئی حفاظتی انتظامات وغیرہ نہیں اپنائے جاتے، سخت ترین زبان کا استعمال کیا جاتا ہے۔بعض کارکنان نے اس امر کی طرف بھی اشارہ کیا کہ انہیں مشترکہ تنگ رہائش میں رہنے پر مجبور کیا جاتا ہے جو کہ انتہائی غیر انسانی ہیں۔ (DW)
- برطانیہ نے بیرون ملک سے آنے والے مسافروں کیلئے جاری قرنطینہ میں نرمی کا اعلان کرتے ہوئے تقریبا 50 سے زائد ممالک سے آنے والوں کو اس قرنطینہ سے مستثنی قرار دیا ہے۔ان ممالک میں جرمنی ، فرانس،سپین اور اٹلی بھی شامل ہے۔ البتہ امریکہ سے آنے والے مسافروں کو اس سے استثناء حاصل نہیں ہوسکے گا۔ (الجزیرہ)
- ہندوستان میں کورونا متأثرین کی تعداد میں مسلسل اضافہ دیکھنے میں آیا ہے ، چنانچہ گزشتہ 24 گھنٹوں میں اس تعداد میں 20 ہزار سے زائد متأثرین کا اضافہ ہوا ہے۔جس کے بعد کل تعداد اب 6 لاکھ 25 ہزار ہوچکی ہے۔ (الجزیرہ)
- سکاٹ لینڈ کے ایک وزیر نے برطانوی حکومت کے قرنطینہ پالیسی میں تبدیلی کے فیصلہ پر تنقید کرتے ہوئے کہا ہے کہ یہ انتہائی غیر مناسب اقدام ہے۔ بہرحال سکاٹ لینڈ برطانوی حکومت کی طرف سے جاری کردہ LOW RISK COUNTRIES پر اس پالیسی کو اپنانے کا سوچ سکتا ہے۔ اسی طرح انہوں نے مزید کہا کہ حکومت برطانیہ کی طرف سے Middle-Risk Countries کی فہرست تیار کرنا انتہائی مشکل امر ہے۔ (الجزیرہ)
- جاپان میں کورونا متأثرین کی تعداد میں خاطر خواہ کمی آنے کے بعد جہاں تمام پابندیاں ختم کرلی گئی تھیں۔ گزشتہ ہفتہ کیسز میں اضافہ کے بعد حکومتی نمائندہ نے اس پر وضاحت دیتے ہوئے کہا ہے کہ یہ اضافہ عموماً مختلف اشیائے خوردنوش سے منسلک کاروبار کے مقامات پر ہوا ہے۔انہوں نے مزید وضاحت کرتے ہوئے کہا ہے کہ ملک میں کسی قسم کی ایمرجنسی کا اطلاق اب نہیں کیا جائے گا۔ (الجزیرہ)
- تھائی لینڈ میں گزشتہ مہینہ میں کورونا متأثرین میں انتہائی واضح کمی کے بعد اب حکومت نارمل روٹین کے مطابق تمام امور بجالانے کی بابت انتہائی پرعزم ہے۔ (الجزیرہ)
- اسرائیل میں کورونا کے 1000 نئے کیسز سامنے آئے ہیں۔جس کے بعد اب تک متأثرین کی کل تعداد 27542 ہوچکی ہے جبکہ ہلاک ہونے والوں کی تعداد 325 ہے۔ (الجزیرہ)
(ابوحمدانؔ)
