لوحِ دل پہ بس حدیث یار میں لکھتا رہوں
مجھ میں ظاہر یار ہو اور اس میں میں دکھتا رہوں
ایک جاں کافی نہیں ہے شکر نعمت کے لئے
یار کی خاطر جیوں مر مر کے میں جیتا رہوں
مالکِ کوثر کا میخانہ رہے قائم سدا
لوگ مے پیتے رہیں اور جام میں بھرتا رہوں
کر نہ پائے میرے آقا کو کبھی گھائل عدو
تیر طلحہ کی طرح ہاتھوں پہ میں کھاتا رہوں
سربلندی کے لئے اسلام کی، بازو کٹیں
بن کے مثل جعفر طیار میں اڑتا رہوں
اپنا اپنا کام ہم کرتے رہیں اے ذوالمنن
معاف کرتا رہ خطا جب جب بھی میں کرتا رہوں
راستہ میرا ہو اللہ کی رضا کا راستہ
یوں امامِ وقت کے پیچھے ہی میں چلتا رہوں
(انصر رضا۔ کینیڈا)
