تراش کر زمیں کے سارے جنگلات سےقلم
میں چاہتی ہوں ربِّ ذوالجلال کی ثنا لکھوں
سمندروں کے پانیوں کو روشنائی مان کر
ہےآرزو خدائے باکمال کی ثنا لکھوں
یہ کم یہ کم رہےاگر مجھےتواتنا اور مانگ کر
ورق ورق پہ حسنِ بے مثال کی ثنا لکھوں
میں رہتی دنیا تک خدا سے زندگانی مانگ لوں
میں مستقل خدائے لازوال کی ثنا لکھوں
محال ہے کہ پھر بھی سب صفات اس کی لکھ سکوں
میں جس قدر بھی حسنِ باکمال کی ثنا لکھوں
ہے اعتراف عجز اپنے دامنِ شعور کا
جنون ہوتو برتَر از خیال کی ثنا لکھوں
وہ دیکھے میری آنکھوں میں تو اپنی ہی طلب ملے
میں آنکھوں میں خدائے ذوالجلال کی ثنا لکھوں
(امۃ الباری ناصر۔امریکہ)
