ہر گھڑی ہر پل مبارک ہو تمہیں یہ سال نو
چھین لے سب مشکلیں اور سب مصائب سال نو
زندگی کے ہونٹ ہوں اور ہو یہی نغمہ سرا
ہو محبت کا سفر اور ہمسفر ہو سال نو
جس طرف نظریں اٹھاؤ سامنے منزل کو پاؤ
فضل ربی ساتھ ہو جو دم قدم ہو سال نو
عافیت کا ہو جہاں !الفت بھرا ہو آشیاں
جس طرف بھی رخ کرو واں مسکرا سال نو
بھول جاؤ رنجشیں دل کی کدورت اور کسک
راحتیں اور چاہتیں لائے سدا یہ سال نو
یہ دعا شاہیں کی ہے مولا اسے کر لے قبول
ہو مبارک ہر گھڑی ہر پل مبارک سال نو
(ریحانہ شاہین۔امریکہ)