تیرے قدموں کو چُھوا تو بہت اِکسیر ہوا میں
تیرے ہاتھ کو چُوم کے صاحبِ توقیر ہوا میں
تیرے ہوتے میں تھا اپنی ذات میں مَست اَلست
تیرے جانے کے بہت دل گیر ہوا میں
تجھ سے تعلق تھا فقط اتنا کہ مجھے یاد آیا
تِری زُلف کے حلقے میں رہا زنجیر ہوا میں
عمر سراسر دُکھ بیتی ، دُکھ نے ہی بازی جیتی
غم کے پہلو میں جیا ، درد کی جاگیر ہوا میں
ریزہ ریزہ ٹوٹ کے بکھرا خُونم خون بدن
انساں نہ ہوا گویا خطّۂ کشمیر ہوا میں
میں
نے نمو پائی کن کن وحشت زا آنکھوں میں
ایک بھیانک خواب تھا جس کی تعبیر ہوا میں
اِس عہدِ نا پُرساں میں کون مرا ہم راز ہے
میں کون سا شاعر تھا جو غالبؔ و میرؔ ہوا میں
(عبدالکریم خالد)
