اللہ کي لونڈياں ہيں تو آقا کي ہم غلام
عہدِ وفا نبھائيں گي کر ديں گي جاں نثار
زندہ خدا ہے ساتھ، خلافت کي چھاؤں بھي
اے گردش زمانہ! ذرا ہو جا ہوشيار
پردہ نشيں ہيں ہم ولے ہيں حوصلے بلند
دنيائے لہو ولعب ميں اپنا نہيں شمار
سو سال سے ہر گام ترقي پذير ہے
شکرِ خدا ہے شکرِ خلافت ہے باربار
گودوں ميں اپني پالے ہيں ہم نے اسد سدا
گر وقت آگيا تو وہ کر ديں گے جاں نثار
ہم احمدي بنات ہيں اللہ کي لونڈياں
مرشد ہمارا ہادي جو کرتا ہے ہم سے پيار
جو آپ چاہتے ہيں وہ کر کے دکھائيں گي
کر ديں گي اپنے عہدوں کو پورا ہزار بار
تاريخ ڈھونڈتي ہے وہ پھر سے نشانياں
اے لجنہ! آپ کو ہي وہ لاني ہے پھر بہار
نازاں ہو جس پہ آج بھي اور کل بھي ہو فدا
ہم زندگي کريں گي سدا ايسي اختيار
(فرحت ضياء راٹھور)
