حضرت صاحبزادہ مرزا بشیر احمدؓ تحریر کرتےہیں کہ ڈاکٹر میر محمد اسمٰعیلؓ نے مجھ سے بیان کیا کہ ایک دفعہ کسی وجہ سے مولوی عبدالکریم مرحوم نماز نہ پڑھا سکے۔ حضرت خلیفۃ المسیح الاوّلؓ بھی موجود نہ تھے تو حضرت صاحبؑ نے حکیم فضل الدین مرحوم کو نماز پڑھانے کے لئے ارشاد فرمایا۔ انہوں نے عرض کیا کہ حضور تو جانتے ہیں کہ مجھے بواسیر کا مرض ہے اور ہر وقت ریح خارج ہوتی رہتی ہے۔ میں نماز کیسے پڑھاؤں؟ حضورؑ نے فرمایا ’’حکیم صاحب! آپ کی اپنی نماز باوجود اس تکلیف کے ہوجاتی ہے یا نہیں؟‘‘ انہوں نے عرض کیا ہاں حضور نے فرمایا کہ: ’’پھر ہماری بھی ہو جائے گی۔ آپ پڑھائیے۔‘‘
خاکسار عرض کرتا ہے کہ بیماری کی وجہ سے اخراجِ ریح جو کثرت کے ساتھ رہتا ہو، نواقضِ وضو میں نہیں سمجھا جاتا۔
(سیرۃ المہدی جلد1 صفحہ615 ,614)
