آسماں سے مہدئ موعود نے پائی خبر
نور کا پیکر ملے گا تجھ کو اک لخت جگر
ساری قومیں برکتیں پائیں گی اس موعود سے
نورفرقاں پائے گا سارا جہاں محمود سے
درحقیقت آپ کا استاد تھا رب کریم
آپ پر جلوہ کناں تھا ہرگھڑی وہ ہی علیم
آپ مظلوموں کے حامی اور تھے ان کے نصیر
آپ کے دم سے رہائی پا گئے لاکھوں اسیر
یورپ و افریقہ میں بھیجے مبشر آپ نے
کر دیے ہیں گورے کالے سب منور آپ نے
آپ کی ہمت کی ہے غماز ربوہ کی زمیں
بن گیا ہے آپ کی آہوں سے اک شہر حسیں
یاد رکھیں گی تجھے قومیں سدا فضل عمر!
رحمتیں بھیجیں گی تجھ پر اے مسیحا کے پسر
مصلح موعود تجھ پر ہر گھڑی ہوں رحمتیں
میرے مولا کی سدا نازل ہوں تجھ پر برکتیں
(خواجہ عبدالمومن، ناروے)