افریقہ میں کورونا وائرس کی موجودہ صورت حال
| کل مریض | تندرست ہونے والے | اموات |
| 25,949 | 6,969 | 1,246 |
کیسز کی تعداد کے لحاظ سے پہلے پانچ ممالک
| 1 | مصر | 3659 |
| 2 | جنوبی افریقہ | 3635 |
| 3 | مراکش | 3446 |
| 4 | الجیریا | 2910 |
| 5 | کیمرون | 1163 |
ساؤتھ افریقہ
ساؤتھ افریقہ نے اپنے ستر ہزار فوجی کورونا وائرس لاک ڈاؤن کی خلاف ورزی روکنے کے لئے لگا دئے ہیں ۔ حالیہ وبا کی روک تھام کے لئے دنیا بھر میں سخت ترین پابندیا ں جنوبی افریقہ میں لگائی گئی ہیں ۔ تاہم سیکورٹی فورسز کو ان پابندیوں پر پر عمل درآمد کروانے کے لئے بہت کوشش کرنا پڑ رہی ہے ۔ BBC
https://www.bbc.com/news/world-africa-52387962
کینیا
مشرقی افریقہ کے ملک کینیا کے دارلحکومت نیروبی کے ایک قرنطینہ سنٹر سے درجنوں لوگوں کے بھاگنے کی ویڈیو سامنے آ ئی ہے۔ اس پر رد عمل دیتے ہوئے صدر مملکت نے کہا ہے کہ ہمیں سنٹر سے بھاگنے والوں کا پتا ہے اور ہم ان کو واپس لے آئیں گے ان لوگوں نے اپنی اور دوسروں کی زندگیاں خطرے میں ڈالی ہیں ۔
ادھر قرنطینہ سنٹرز کا تجربہ رکھنے والے لوگو ں نے کہا ہے ان سنٹرز میں حالات بہت مشکل ہیں اور جیل سے مشابہہ ہیں ۔ بعض سنٹرز میں ایک رات قیام کی فیس ۲۰سے لے کر ایک سو ڈالرز تک ہے ۔
https://www.bbc.com/news/world-africa-52381583
نائیجر
کورونا وائرس کی وجہ سے لگائے گئے کرفیو کے خلاف مظاہر وں کا سلسلہ جاری ہے۔ مسلمان مظاہرین کا کہنا ہے کہ ہم ہر صورت مساجد میں نماز باجماعت اور رمضان میں نماز تراویح ادا کرکے اپنا مذہبی فریضہ ادا کرنا چاہتے ہیں۔
مڈگاسکر کی دوائی پر سوالیہ نشان
مڈگاسکر مشرقی افریقہ کا جزیرہ پر مشتمل چھوٹا سا ملک ہے ۔وہاں کے صدر نے چند دن قبل اعلان کیا تھا کہ ان کے ماہرین نے کورونا وائرس کے علاج کی دیسی دوائی بنا لی ہے۔ تاہم ان کے اعلان کے بعد عالمی ادارہ صحت نے کہا ہے کہ اس بات کا کوئی ثبوت نہیں ہے کہ یہ دوا کورونا کے لئے مؤثر ہے ۔
اس دوا کے اجزا میں افریقہ میں پایا جانے والا پودا Artemisia اور بعض دیگر جڑی بوٹیاں استعمال کی گئی ہیں ۔Artemisia کے پودے سے ملیریا کی دوائی بنتی ہے۔
صدر نے سکول جانے والے بچوں کو پابند کیا ہے کہ وہ دن بھر اس ٹانک کے گھونٹ لیتے رہیں۔عالمی ادارہ صحت کے ڈائریکٹر کہتے ہیں کہ کورونا کے علاج کے لئے کوئی شارٹ کٹ موجو دنہیں ہے ۔ عالمی سطح پر اس کی ویکسن بنانے کی کوششیں جاری ہیں۔
https://www.bbc.com/news/world-africa-52374250
جبوتی
جبوتی میں تیزی کے ساتھ کورونا وائرس مریضوں کی تعداد بڑھ رہی ہے ۔ ایک دن میں کورونا کے 99 کیسز سامنے آئے ہیں اور کل تعداد 974 ہو گئی ہے ۔ اس تعداد کی زیادتی کی ایک وجہ یہ بتائی جا رہی ہے کہ ایک ملین سے بھی کم آبادی والا یہ ملک کافی بڑی تعداد میں کورونا کے ٹسٹ کر رہا ہے۔ جبوتی اپنے ہمسایہ ممالک ایتھوپیا۔ صومالیہ ۔ سوڈان حتی کہ کینیا سے بھی زیادہ ٹسٹ کر رہا ہے۔
https://www.bbc.com/news/live/world-africa-47639452
قرنطینہ سے بھاگنے پر فرد جرم عائد
یوگنڈا کے دارلحکومت کمپالا کے ایک قرنطینہ میں رکھے گئے چھ چائنیز کسی طرح وہاں سے فرار ہو کر اپنے مقامی ڈرائیور کے ساتھ بائی روڈ ہمسایہ ملک کونگو کی طرف بھاگ رہے تھے کہ پکڑے گئے۔ قرنطینہ سنٹر سے بھاگنے پر ان پر کمپالا کی عدالت میں مقدمہ چلا ۔ عدالت نے فرد جرم عائد کر دی ہے۔ ۴ مئی کو انہیں سزا سنائی جائے گی ۔
https://www.bbc.com/news/live/world-africa-47639452
مراکش
لاک ڈاؤن کی خلاف ورزی کرنے پر مراکش میں پانچ ہزار سے زائد افراد گرفتار کئے جاچکے ہیں ۔ بی بی سی
ڈرائیورز کورونا وائرس پھیلا رہے ہیں
یوگنڈا نے کہا ہے کہ لمبے روٹ کے ڈرائیورز جو کارگو ٹرک چلاتے ہیں کورونا کے پھیلاؤ کا ذریعہ بن رہے ہیں ۔ روزانہ سات سو سے ایک ہزار ٹرک یوگنڈا بارڈر سے گزرتےہے۔ (بی بی سی)
آئیوری کوسٹ
آئیور کوسٹ کے وزیر اعظم نے ۴۵ نئے مراکز کا اعلان کرتے ہوئے کہا ، "یہ مراکز ہماری اسکریننگ کی گنجائش کو بڑھانے اور مثبت معاملات اور ان کے رابطوں کے تیز رفتار اور موثر انتظام کو یقینی بنانے میں مدد کریں گے۔ وبائی مرض کے مرکز ، آبی جان میں ، نو (9) مراکز اپریل 2020 کے اختتام سے قبل صحت کے سازوسامان اور اہلکاروں سے لیس ہوں گے۔
روزانہ کے ٹیسٹ آہستہ آہستہ 300 سے بڑھ کر 1000 ہو جائیں گے۔ اس مقصد کے لئے 2 لاکھ سیمپلنگ کٹس ، reagents اور لیبارٹری سامانوں کا آرڈر دیا گیا ہے۔
چوہدری نعیم احمد باجوہ۔برکینا فاسو
(نمائندہ روزنامہ الفضل لندن ( آن لائن )
