بیچنے والے کو اپنی چیز کی قیمت مقرر کرنے کا اختیار ہے
(حضرت مسیح موعودؑ کی خدمت میں) سوال پیش ہوا کہ بعض تاجر گلی کوچوں میں یا بازار میں اشیاء فروخت کرتے ہیں۔ ایک ہی چیز کی قیمت کسی سے کم لیتے ہیں اور کسی سے زیادہ، کیا یہ جائز ہے؟
آپؑ نے فرمایا۔
مالک شے کو اختیار ہے کہ اپنی چیز کی قیمت جو چاہے لگائے اور مانگے، لیکن وقتِ ضرورت تراضی طرفین ہو اور بیچنے والا کسی قسم کا دھو کہ نہ کرے۔ مثلاً ایسا نہ ہو کہ چیز کے خواص وہ نہ ہوں جو بیان کئے جاویں اور کسی قسم کا دغا خریدا ر سے کیا جاوے اور جھوٹ بولا جاوے اور یہ بھی جائز نہیں کہ بچے یا ناواقف کو پائے تو دھوکہ دے کر قیمت زیادہ لے لے اور جس کو اس ملک میں ’’لگادا‘‘ لگانا کہتے ہیں یہ ناجائز ہے۔
(بدر 16 مئی 1907ء صفحہ10)
(داؤد احمد عابد۔ استاد جامعہ احمدیہ برطانیہ)