• 12 فروری, 2025

بیاد جلسہ سالانہ ربوہ

یہ پیاسی ارواح کی تڑپ ہے
کہ کاش ہم بھی منائیں جلسہ
کہ ہر دسمبر اُبلتے سینوں
سسکتی آہوں، ٹپکتی پلکوں سے
خوں بہائے گزر رہا ہے
وہ سردیوں کی طویل راتیں
اُداسیوں میں گزر رہی ہیں
جو تیری صحبت نصیب ہوتی
تو آج موسم کچھ اور ہوتا
میں بھولی بسری تمام یادوں کو کرکے یکجا
ترے ہی قدموں میں ڈھیر کرتا
مگر ہمارے وطن میں
ایسی منافرت کی ہوا چلی ہے
کہ جس کی زد میں
ہمارے بھائی لہو نہائے امر ہوئے ہیں
ہماری سوچوں، ہمارے جذبوں کو
رنگ دے کے
سحر ہوئے ہیں
وہ لعل سارے جو تیری رہ میں
لپک لپک کر فدا ہوئے ہیں
ولید ، شابل ہوں یا ہوں ناصر
شہید سارے مجھے ہیں پیارے
اُنہی کے دم سے ہماری نبضوں میں
زندگی کی رمق ہے باقی
یہ آہ و زاری یہ گریہ اپنا
کبھی نہ ضائع ہوا تھا پہلے
جو اب کے آئی ہے اس میں شدت

(صفوان احمد ملک۔ جرمنی)

پچھلا پڑھیں

الفضل آن لائن 26 دسمبر 2022

اگلا پڑھیں

فقہی کارنر