صدقہ کی جنس خود ہی خرید لینا جائز ہے
ایک شخص نے حضرت مسیح موعودؑ کی خدمت میں عرض کی کہ میں مرغیاں رکھتا ہوں اور ان کا دسواں حصہ خدا تعالیٰ کے نام پر دیتا ہوں اور گھر سے روزانہ تھوڑا تھوڑا آٹا صدقہ کے واسطے الگ کیا جاتا ہے کیا یہ جائز ہے کہ وہ چوزے اور وہ آٹا خود ہی خرید لوں اور اس کی قیمت مدِّ متعلقہ میں بھیج دوں؟ فرمایا:
’’ایسا کرنا جائز ہے‘‘
نوٹ: لیکن اس میں یہ خیال کر لینا چاہئے کہ اعمال نیت پر موقوف ہیں۔ اگر کوئی شخص ایسی اشیاء کو اس واسطے خود ہی خرید ے گا کہ چونکہ خریدو فروخت ہر دو اس کے اپنے ہاتھ میں ہیں۔ تھوڑی قیمت سے چاہے خرید لے۔ تو اس کے لئے گناہ ہوگا۔
(بدر24 اکتوبر 1907ء صفحہ3)
(داؤد احمد عابد ۔ استاد جامعہ احمدیہ یوکے)