سِسکیاں لائی بادِصبا پھول کیا کیا نذر ہو گئے
اشک اُن پہ بہائے ہوئے رحمتوں کے ثمر ہو گئے
رزقِ فردوس پر زندہ ہیں فیض اُن کا سَرِبام ہے
اُن کی تاثیر سے جانشیں دیکھ لو با ہُنر ہو گئے
دیکھ لیں سارے جھوٹےخدا حُکم والا کوئی اور ہے
اُن کےگلشن میں اڑتی ہےخاک اپنےصحراشجرہو گئے
بربریت نے ماحول کو کر دیا اِس قدر رُوسیاہ
رہنماؤں نے لے لی پناہ راہزن با اثر ہو گئے
والیانِ حَرَم بن کے وہ کاٹنے کو ہیں شجرِحُسین
کون اُن کی شفاعت کرے گِر کےجو جانور ہو گئے
جِن کےصِدّیق وصالح ہوئےہیں انہی کےشہیدان بھی
چھین کر جِن کی جائے پناہ وہ گلستاں بدر ہو گئے
اَے خدا خوں شہیدان کا باثمر ہی رہے تا اَبَد
نام آئے تو سب کہہ اُٹھیں اللہ اللہ اَمر ہو گئے
(بشیر احمد– آسٹریلیا)
