ہے شانِ لطیفی بھی تم میں اور شانِ بلالی بھی تم میں

افریقہ کا نور ہو تم اور افریقہ کی شان ہو تم
اے میرے پیارو سچ ہے یہ سب احمدیوں کی جان ہو تم

ہے شانِ لطیفی بھی تم میں اور شانِ بلالی بھی تم میں
اصحابِ بدر کی روح بھی ہے اک شان نرالی ہے تم میں

تم موت کے بعد بھی زندہ ہو تم زندہ اور تابندہ ہو
کیا دشمن کو موت نہ آ ئے گی وہ بے شک اب شرمندہ ہو

دنیا میں نور یہ پھیلے گا ظلمت زائل ہو جائے گی
اور حق کے طالب آئیں گے دنیا قائل ہو جائے گی

ہے تم کو غم پر شمسؔ سنو بے کار یہ خون نہ جائے گا
دشمن بھی بیعت کر لیں گے آخر وہ دن بھی آئے گا

(ڈاکٹر محمد جلال شمسؔ۔ یوکے)