عزمِ وفا کو دہرایا شیروں اور دلیروں نے
ایمانوں کو گرمایا شیروں اور دلیروں نے
حق کا نعرہ لگوایا شیروں اور دلیروں نے
عشق کا پرچم لہرایا شیروں اور دلیروں نے
جوشِ جنوں کو سلگایا شیروں اور دلیروں نے
غیرتِ دیں کو بھڑکایا شیروں اور دلیروں نے
سینہ چھلنی کروایا شیروں اور دلیروں نے
پاک لہو کو چھلکایا شیروں اور دلیروں نے
رنگِ تقویٰ دکھلایا شیروں اور دلیروں نے
خود کو خوں سے نہلایا شیروں اور دلیروں نے
گلشنِ احمد مہکایا شیروں اور دلیروں نے
رِزق خدا سے ہے کھایا شیروں اور دلیروں نے
خلد کا رستہ بتلایا شیروں اور دلیروں نے
ہم انصار ہیں، جتلایا شیروں اور دلیروں نے
اوڑھا رَحمت کا سایہ شیروں اور دلیروں نے
(ڈاکٹر فرید احمد)
