اذان کے وقت کی دعا
حضرت ابو سعید خدریؓ بیان کرتے ہیں کہ رسول اللہﷺ نے فرمایا کہ جب تم اذان سنو تو جیسے مؤذّن کہتا ہے اُس کے ساتھ اُسی طرح دہراؤ۔ اور حضرت عمر ؓ سے مروی ہے جو مؤذّن کے ساتھ ساتھ اذان کے کلمات خلوص دل سے دہرائے اور حَیَّ عَلَی الصَّلٰوۃ۔ حَیَّ عَلَی الفَلَاحِ (یعنی نماز اور کامیابی کی طرف آؤ) کے وقت یہ کہے۔
لَا حَولَ وَلَا قُوَّۃَ اِلَّا بِاللّٰہ ِ۔ یعنی اللہ کے سوا کسی کو کوئی قوت اور طاقت حاصل نہیں۔ وہ جنت میں داخل ہو گا۔
(مسلم کتاب الصلٰوۃ)
(مناجات رسولؐ از خزینۃ الدعا مرتبہ علامہ ایچ ایم طارق ایڈیشن2014ء صفحہ55)
(مرسلہ: عائشہ چوہدری۔ جرمنی)
