حضرت کثیر ابن قیس ؓ بیان کرتے ہیں کہ میں حضرت ابودرداء رضی اللہ تعالیٰ عنہ کے پاس دمشق کی مسجد میں بیٹھا ہوا تھا کہ ان کے پاس ایک آدمی آیا اور کہا کہ میں رسول اللہ ﷺ کے شہر مدینہ منورہ سے آپ کے پاس رسول اللہ ﷺ کی حدیث سننے کی غرض سے آیا ہوں۔ آپ کے پاس آنے کی اس کے علاوہ اور کوئی غرض نہیں ہے۔ (یہ سن کر) حضرت ابودرداء رضی اللہ تعالیٰ عنہ نے بیان کیا کہ میں نے رسول اللہ ﷺ کو فرماتے ہوئے سنا کہ:
جو آدمی علم حاصل کرنے کے لئے سفر اختیار کرتا ہے تو اللہ تعالیٰ اس کو جنت کے راستہ پر چلاتا ہے۔ فرشتے طالب علم سے راضی ہوتے ہوئے اس کے لئے اپنے پروں کو بچھاتے ہیں۔ ۔۔ اور عابد پر عالم کو ایسی ہی فضیلت ہے جیسے کہ چودہویں کا چاند تمام ستاروں پر فضیلت رکھتا ہے اور علماء ، انبیاء علیہم السلام کے وارث ہیں۔۔۔ انبیاء کا ورثہ علم ہے لہٰذا جس نے علم حاصل کیا اس نے کامل حصہ پایا۔
(سنن ابو داؤد کتاب العلم باب الحث علی طلب العلم)
