اس ایک عورت سا اس زمیں پر مقام پانا کمال یہ ہے

برنگِ مریم لباسِ تقویٰ سے تن سجانا کمال یہ ہے
سو ’’اماں جاں‘‘ کی نصیحتیں حرضِ جاں بنانا کمال یہ ہے

ہے ناز اس پر کہ لجنہ ممبر ہوں اور ہوں اک خدا کی لونڈی
سو عہدِ لجنہ کا پاس رکھنا، اسے نبھا نا کمال یہ ہے

امام مہدی ؑسے عہدِ بیعت جو باندھ رکھا ہے اس کی خاطر
جو دس شرائط ہیں یاد کرنا، نہ پھر بھلانا، کمال یہ ہے

خلافتوں سے محبتوں کا بس ایک دعویٰ نہ ہو ہمارا
جو حکم معروف دیں اسے دل سے مان جانا کمال یہ ہے

بہت سے رسم و رواج ہیں جو بگاڑ دیتے ہیں دین کو بھی
سو ایسے طوقوں کو توڑ کر گردنیں چھڑانا کمال یہ ہے

خدا کے تقویٰ کی تنگ راہوں کو ڈھونڈنا اور انہی پہ چلنا
پھر اپنے سجدوں میں عاجزی کا ہنر جگانا کمال یہ ہے

وہ بنتِ بوبکر عائشہ ایک شاہزادی تھی تختِ دیں کی
اس ایک عورت سا اس زمیں پر مقام پانا کمال یہ ہے

(عائشہ صدیقہ)