وہ ستار ہے اور وہی میرا پیار
کہ در پر ہوئی جس کے میں زار زار
وہی جانتا ہے حقیقت ہے کیا
وہی بھید کھولے ہے ہم پر ہزار
وہی ذات قدرت وہی بادشاہ
وہی سب کی سنتا ہے آہ و پکار
وہی پیار سے گود میں لے ہمیں
بنے مشکلوں میں ہماری مہار
سبھی کو فنا ہے جہاں میں یہاں
کہ زندہ خدا تو ہے پروردگار
ترے بن مرے دل کے چاروں طرف
عجب ایک پھیلا ہوا تھا غبار
سمندر یہ دریا یہ جھرنے سبھی
اسی کی کرامت اسی کا حصار
اسی نے ہی پھولوں میں خوشبو بھری
اسی سے چمن میں بھی آئی بہار
دیا بن کے راہوں میں جلتے ہیں جو
’’خدا سے وہی لوگ کرتے ہیں پیار‘‘
(دیا جیم۔ فیجی)
