یہ مت سوچو پیار میں ہم نے کیا کھویا کیا پایا ہے
من کی دولت ہاتھ آئی ہے، باقی سب تو مایا ہے
عشق محمدؐ کامل ہو کر احمد میں در آیا ہے
قومِ احمد تیرے سر پر پاک نبی کا سایہ ہے
حق کی خاطر مرنے والو! زندۂ جاوید ہو تم
جامِ شہادت پینے والا شیر خدا کو بھایا ہے
خونِ شہیداں کا اک اک قطرہ خوشبو بن کر پھیل گیا
حُبِّ قرآں، عشق محمدؐ چھین نہ کوئی پایا ہے
مظلوموں نے صبر دکھایا، جان خدا کی خاطر دی
شمعِ خلافت جان ہے ان کی، دینِ خدا سرمایہ ہے
(محمد امجد خان سنوری۔ آسٹریلیا)