قطرہ نہیں ہے فضل کی وُسعت ہے اصل میں
لجنہ نہیں عمل کی صداقت ہے اصل میں
محور ہے فضلِ عمر کی سوچوں کا سر بسر
یہ روشنی ہی حسنِ جماعت ہے اصل میں
وہ درس جو دیا انہیں نصرت جہان نے
اُس درس ہی کی ساری یہ نصرت ہے اصل میں
علم وعمل بنانے کی تھی جس کی آرزو
اس رہبرِ موعود ؓ کی چاہت ہے اصل میں
شمعِ عمل جلا کے ہوئی جس کی ابتداء
دُنیائے احمدیت کی طاقت ہے اصل میں
جو اس کی روشنی سے منّور ہے آس پاس
وہ دل نہیں چراغ ِ محّبت ہے اصل میں
صد شکر سو برس ہوئے جس کے قیام کو
خلفائے احمدیت کی برکت ہے اصل میں
