اللہ کی پیاری ہے لجنہ یہ ہماری
رحمت کی پھواری ہے لجنہ یہ ہماری
مولا کے کرم سے یہ پھل پھول رہی ہے
تنظیم یہ جاری ہے لجنہ یہ ہماری
ہیرے کی پرکھ سب میں ہوتی نہیں یارو
محمود کی پیاری ہے لجنہ یہ ہماری
سورج زمیں پیارے مہدی کے سبھی شاہد
اور بدر بھی واری ہے لجنہ یہ ہماری
جانا نہ کبھی بھی تو نازک سے بدن پر
بے خوف کھلاڑی ہے لجنہ یہ ہماری
کرنے پہ جو آئے تو چھو لے یہ فلک کو
تلوار کی دھاری ہے لجنہ یہ ہماری
عرفان کی سجتی ہے ہرگام پہ محفل
فیضان یہ جاری ہے لجنہ یہ ہماری
امت کے گلستاں کی معمار ہے لجنہ
سرسبز کیاری ہے لجنہ یہ ہماری
قرآں کے صحیفوں پر گہری نظر اس کی
تدریس سے یاری ہے لجنہ یہ ہماری
(فہمیدہ بٹ۔ جرمنی)