اللہ کی خادمائیں ہیں لجنہ کی ممبرات
صدسالہ جوبلی لجنہ کی مناسبت سے خراج تحسین
اللہ کی خادمائیں ہیں لجنہ کی ممبرات
ہر لمحہ ساتھ ساتھ ہیں احمد کی ناصرات
عشق و وفا کے جام سے سرشار آ گئیں
دینِ خدا کی مونس و غمخوار آ گئیں
ہم نے گھٹن کے دور کو خوشحالیاں بھی دیں
کنگن اتارے ہاتھ سے اور بالیاں بھی دیں
فضل و کرم کی، رحم کی حقدار آ گئیں
دینِ خدا کی مونس و غمخوار آ گئیں
سو سالہ جِد وجہد کی روداد پیش ہے
پھر جان و مال و وقت اور اولاد پیش ہے
وارے خدا کی راہ میں گھر بار، آ گئیں
دینِ خدا کی مونس و غمخوار آ گئیں
ہم نےجوان بھائی اور بیٹے گنوائے ہیں
اپنے سہاگ وار کے پرچم اٹھائے ہیں
عقبی خریدنے ترے بازار آ گئیں
دینِ خدا کی مونس و غمخوار آ گئیں
صوم و صلوۃ قیمتی گہنا ہے مرشدی!
ہم نے مسابقت میں ہی رہنا ہے مرشد!
ہم ہو کے آج برسرِپیکار آ گئیں
دینِ خدا کی مونس و غمخوار آ گئیں
ہم جوبلی کے دور سے گزریں گی اس طرح
حمد و ثنا کے وِرد سے نکھریں گی اس طرح
فتح و ظفر کی بن کے علمدار آ گئیں
دینِ خدا کی مونس و غمخوار آ گئیں
(اطہر حفیظ فراز)