تَوَکَّلْنَا عَلَیْکَ وَلَا حَوْلَ وَ لَا قُوَّۃَ اِلَّا بِکَ وَ اَنْتَ الْعَلِیُّ الْعَظِیْمُ
(آئینہ کمالاتِ اسلام صفحہ:214روحانی خزائن جلد 5)
ترجمہ:ہم نے تجھ پر توکل کیا اور سوائے تیرے کسی کو کوئی قوت اور طاقت نہیں۔ اور تو بہت بلند اور عظمت والا ہے۔
یہ حضرت مسیحِ موعودؑ کی خدا تعالیٰ پر توکل اور مدد ونصرت کی دعا ہے۔
آپؑ بنی نوع انسان کی ہدایت اور مشرق ومغرب میں قیامِ توحید کی دعا کرتے ہوئے فرماتے ہیں:
اے قادر خدا! اپنے بندوں کے رہنما! جیسا تونے اس زمانہ کو صنائع جدیدہ کے ظہور و بروز کا زمانہ ٹھہرایا ہے۔ ایسا ہی قرآنِ کریم کے حقائق و معارف ان غافل قوموں پر ظاہر کر اور اب اس زمانہ کو اپنی طرف ،اپنی کتاب کی طرف اور اپنی توحید کی طرف کھینچ لے۔ کفر اور شرک بہت بڑھ گیا ہےاور اسلام کم ہو گیا ہے۔اب اے کریم! مشرق اور مغرب میں توحید کی ایک ہوا چلا اور آسمان پر جذب کا ایک نشان ظاہر کر ۔اے رحیم !تیرے رحم کے ہم سخت محتاج ہیں۔اے ہادی! تیری ہدایتوں کی ہمیں شدید حاجت ہے۔مبارک وہ دن جس میں تیرے انوار ظاہر ہوں۔ کیا نیک ہے وہ گھڑی جس میں تیری فتح کا نقارہ بجے ۔
تَوَکَّلْنَا عَلَیْکَ وَلَا حَوْلَ وَ لَا قُوَّۃَ اِلَّا بِکَ وَ اَنْتَ الْعَلِیُّ الْعَظِیْمُ
(آئینہ کمالاتِ اسلام صفحہ:213، 214 حاشیہ در حاشیہ)
(مرسلہ: مریم رحمٰن)
