خوب ہوتا

دیارِفانی میں ہر طرف سے ہی نوچ کھانے کو ہیں درندے
میں یہ حقیقت جو ابتدا میں ہی جان جاتاتو خوب ہوتا

شبِ فراقِ حبیب میں اے مرے خدایا! ترے ہی در پر
جبیں کو اپنی جو میں جھکاتا،تجھے بلاتاتو خوب ہوتا

دلوں پہ تالے،خرد پہ جالے، یہ کج نگاہیں، یہ سرد آہیں
جو معرفت کے دیے جلا کر میں نور پاتا تو خوب ہوتا

لطیف شکوہ تھا تیرے دل میں بھی ان کی نفرت کے بالمقابل
تُومسکراتا، گلے لگاتا،محبتوں کے ہی گیت گاتاتو خوب ہوتا

(صادق احمد لطیف۔ آئیوری کوسٹ)