اَللّٰھُمَّ اَصْلِحْ اُمَّۃَ مُحَمَّدٍاَللّٰھُمَّ ارْحَمْ اُمَّۃَ مُحَمَّدٍ اَللّٰھُمَّ اَنْزِلْ عَلَیْنَا بَرَکَاتِ مُحَمَّدٍ وَّصَلِّ عَلیٰ مُحَمَّدٍ وَّبَارِکْ وَسَلِّمْ
(مکتوبات احمدیہ جلد1 صفحہ50)
ترجمہ: اے اللہ! محمدﷺ کی امت کی اصلاح فرما۔ اے اللہ! محمد ﷺ کی امت پر رحم کر۔ اے اللہ! ہم پر محمدﷺ کی برکات نازل فرما اور محمد ﷺ پر رحمتیں اور برکتیں اور سلام بھیج۔
یہ حضرت اقدس مسیحِ موعودؑ کی امت محمدیہ ﷺ کی اصلاح کے لئے دعا ہے۔
ہمارے پیارے آقا سیّدنا حضرت مرزا مسرور احمد خلیفۃ المسیح الخامس ایَّدہ اللہ تعالیٰ بنصرہ العزیز فرماتے ہیں:
’’عمومی طور پر مسلم امہ کے لیے بھی دعا کریں۔ جس طرف یہ چل پڑی ہے اور جو زمانے کے امام کا انکار کر کے اپنی دنیاوعاقبت خراب کر رہی ہے اس سے اللہ تعالیٰ ان کو محفوظ رکھے۔ انسانیت کے لیے مجموعی طور پر دعا کریں۔ اللہ تعالیٰ انہیں بھی صحیح رستے پر چلائے اور اللہ تعالیٰ کی ناراضگی سے بچنے کی توفیق دے۔ بہرحال ہمارا کام ہے دعائیں کرنا اور دعائیں کرنا اور دعائیں کرتے چلے جانا۔ رمضان میں بھی اور رمضان کے بعد بھی۔ سب کو اللہ تعالیٰ اس کی توفیق عطا فرمائے۔‘‘
(خطبہ جمعہ 7؍ مئی 2021ء)
(مرسلہ:مریم رحمٰن)
