مخبری پر بیان لے لینا
جان لینا ہے جان لے لینا
خندقیں کھودنے سے کچھ پہلے
مشک, کافوردان لے لینا
صرف الفاظ کم نہ پڑ جائیں
تیر، ترکش، کمان لے لینا
بھول جانا قرابتیں ساری
نفس کا امتحان لے لینا
لوٹ آئے ہیں مشکلیں سہہ کر
غازیوں سے گیان لے لینا
ہولناکی سے ڈر لگے جس پل
آسماں کی امان لے لینا
دوستی کے اصول ہوتے ہیں
دوستوں سے زبان لے لینا
بھیج دینا پیام اپنوں کو
جان دی ہے نشان لے لینا
(حافظ اسدالله وحید- سیرالیون)
