حضرت ابو موسی اشعری ؓ بیان کرتے ہیں کہ آنحضرتﷺ نے فرمایا : ’’نیک ساتھی اور برے ساتھی کی مثال ان دو شخصوں کی طرح ہے جن میں سے ایک کَسْتُوْرِی اٹھائے ہوئے ہو اور دوسرا بھٹّی جھونکنے والا ہو ۔ کَسْتُوْرِی اٹھانے والا تجھے مفت خوشبو دے گا یا تُو اُس سے خرید لے گا ۔ورنہ کم از کم تُو اُس کی خوشبو اور مہک تو سونگھ ہی لے گا ۔اوربھٹّی جھونکنے والا یا تیرے کپڑے جلا دےگا یا اس کا بدبو دار دھواں تجھے تنگ کرے گا ۔‘‘
(مسلم کتاب البر و الصلۃ)