آپؐ مہمانوں کی ظاہری مہمان نوازی کے ساتھ ان کی روحانی تربیت کی طرف بھی توجہ دیا کرتے تھے اور یہی کچھ آپؐ نے صحابہؓ کو سکھایا تھا جیسا کہ اس میں ذکر آتا ہے کہ صبح کی نماز کے وقت آپ صلی اللہ علیہ وسلم نے نماز کے لیے جگایا تواس واقعہ پر عمل کرتے ہوئے صحابہؓ بھی اپنے مہمانوں کی مادی اور روحانی دونوں غذاؤں کا خیال رکھا کرتے تھے پھر آپؐ نے ایک وفد کی خود مہمان نوازی اپنے ہاتھوں سے کی صرف اس لئے کہ فرمایا کہ ابتدائے اسلام میں جب مجبور اور مظلوم مسلمانوں پر مکہ میں زیادتی ہو رہی تھی تو ان کے ہم قوموں نے اس وقت مسلمانوں کے ساتھ اچھا سلوک کیا تھا غرض ہر موقع پر آپؐ اس تلاش میں ہوتے تھے کہ کس طرح مہمان کی خدمت کا موقع ہاتھ آئے۔
(خطبات مسرور جلد سوم خطبہ جمعہ 22 جولائی 2005ء)
