یَا مَنْ أَظْھَرَ الْجَمِیْلَ وَسَتَرَ الْقَبِیْحَ یَا مَنْ لَّا یُؤَاخِذُ بِالْجَرِیْرَةِ وَلَا یَھْتِکُ السِّتْرَیَا عَظِیْمَ الْعَفْوِ یَا حَسَنَ التَّجَاوُزِ یَا وَاسِعَ الْمَغْفِرَةِ یَا بَاسِطَ الْیَدَیْنِ بِالرَّحْمَةِ یَا صَاحِبَ کُلِّ نَجْویٰ یَا مُنْتَھیٰ کُلِّ شَکْوٰی یَا کَرِیْمَ الصَّفْحِ یَا عَظِیْمَ الْمَنِّ یَا مُبْتَدِئَ النِّعَمِ قَبْلَ اسْتِحْقَاقِہَا یَا رَبَّنَا وَیَاسَیِّدَنَا وَمَوْلَانَا یَا غَایَةَ رَغْبَتِنَا أَسْأَلُکَ یَآ اَللّٰہُ أَنْ لَّا تَشْوِیَ خَلْقِی بِالنَّارِ
(مستدرک حاکم کتاب الدعاء جلد1 صفحہ:545)
ترجمہ:اے وہ جو اچھائی کو ظاہر اور برائی کی پردہ پوشی ہے ۔اور وہ جو گناہ پر نہیں پکڑتا اورپردہ فاش نہیں کرتا اے عظیم عفو کرنے والے۔ اے بہترین درگزر کرنے والے، اے وسیع مغفرت والے۔ اے رحمت کرنے کیلئے دونوں ہاتھ کھلے رکھنے والے۔اے ہر بھید کے جاننے والے، اے تمام شکایتوں کی آخری بارگاہ ۔اے چشم پوشی کرنے والے مہربان ،اے سب سے بڑی امیدگاہ۔ اے کسی کے حقدار ہو نے سے پہلے نعمتیں دینے والے اے ہمارے رب ،اے ہمارے سردار ،اے ہمارے آقا،اے ہماری رغبت کی انتہا ،اے اللہ میں سوال کرتا ہوں کہ تو میرے وجود کو آگ سے نہ جھلسانا۔
یہ سید ومولیٰ ،آقائے دو جہاں پیارے رسول حضرت محمد ﷺ کی رحم ومغفرت کی پیاری دعا ہے۔
حضرت عمرو بن شعیب اپنے دادا سے روایت کرتے ہیں کہ حضرت جبرائیل ؑ یہ دعا آسمان سے لے کر نازل ہوئے اور بہت خوش تھے۔ انہوں نے عرض کیا کہ اے محمدﷺ !اللہ تعالیٰ نے مجھے آپ ﷺ کی طرف ایک تحفہ دے کر بھیجا ہے یعنی اللہ تعالیٰ نے یہ دعائیہ کلمات (مندرجہ بالا دعا) جو عرش کے خزانے ہیں آپ کو عطا فرمائے ہیں۔
(مرسلہ:مریم رحمٰن)
