اکثر یہ بات مشاہدہ میں آتی ہے کہ مائیں اپنے چھوٹے بچوں کو کسی بھی غلط کام سے روکنے کے لئے ’’اللہ تعالیٰ سزا دے گا/اللہ تعالیٰ ناراض ہو گا‘‘ کے الفاظ استعمال کرتی ہیں۔ بظاہر یہ الفاظ خلوصِ نیت سے اللہ تعالیٰ کا پیار اور اُس کا خوف پیدا کرنے کے لئے بولے جاتے ہیں۔ لیکن معصوم بچہ کے دل میں خدا تعالیٰ کا رحیم اور شفیق تصور پیدا کرنے کی بجائے اس کے متضاد خیالات پیدا کرنے کا باعث بنتے ہیں۔
ضرورت اس امر کی ہے کہ بچہ کو ہمیشہ پہلے اللہ تعالیٰ کا نہایت مہربان، رحیم و کریم پیارا چہرہ دِکھایا جائے۔ پھر اس اصول کو سمجھایا جائے کہ ہمیں غلط اور برے کاموں سے اس لئے بچنا ہے کہ ہمارا پیارا خدا ہم سے ناراض نہ ہو جائے۔
(مرسلہ: ثمرہ خالد جرمنی)