جب دین کی اشاعت کے لیے مالی قربانی کی جارہی ہو تو وہ اللہ تعالیٰ کے ہاں اس قدر پذیرائی حاصل کرنے والی ہوتی ہے کہ اس کے بارے میں انسان سوچ بھی نہیں سکتا اس کا احاطہ نہیں کر سکتا بشرط کہ وہ خالصتاً اللہ تعالیٰ کے لیے ہو اور اس زمانے میں جب دنیا دنیاوی اور مادی خواہشات کے پیچھے لگی ہوئی ہے قربانی کرنے والے یقیناً اللہ تعالیٰ کی راہ میں مال خرچ کر کے اللہ تعالیٰ سے بہترین شکل میں اس قرض کے بدلے وصول کرنے والے ہیں۔ ۔ ۔ ۔ ۔ ۔ ہم میں سے کئی ہیں جواس بات کو مشاہدہ کرتے آئے ہیں اور مشاہدہ کررہے ہیں پس یہ بھی ان انعاموں میں سے ایک انعام ہے جو حضرت مسیح موعود علیہ الصلوٰۃ والسلام کی بیعت میں آنے کے بعد ایک احمدی کو ملا اور اس بات پر احمدی اللہ تعالیٰ کا جتنا بھی شکر ادا کریں کم ہے اور یہ ایک احمدی کی شکر گزاری ہی ہے کہ باوجود نا مساعد حالات کے ہر سال احمدی کی قربانی کی مثالیں روشن تر ہوتی چلی جارہی ہیں اس سال ساری دنیا میں جو اکنامک کرائسزہوا اس کے باوجود اللہ تعالیٰ کے فضل سے مالی قربانیوں میں احمدی پیچھے نہیں ہٹے ایک احمدی یہ پرواہ نہیں کرتا کہ میرا گزارہ کس طرح ہو گا فکر ہے تو یہ کہ ہمارے چندے کا وعدہ پورا ہو جائے۔
(خطبہ جمعہ9 جنوری 2009ء خطبات مسرور جلد ہفتم صفحہ15۔16)
