• 18 جولائی, 2024

پندونصیحت

پندونصیحت
(کلام حضرت مرزا بشیر احمدؓ)

اپنا غمخوار مجھ کو جان اے دوست
میرا کہنا کبھی تو مان اے دوست

دنیائے دُوں سے مت لگانا دل
چند روزہ ہے یہ جہان اے دوست

پھول جتنے بھی چن سکے چن لے
ہے اجڑنے کو بوستان اے دوست

دین سے پھیرتا ہے تُو منہ کیوں؟
اس پہ لگتا نہیں لگان اے دوست

دین سے جو تجھے کرے غافل
بات اس کی کبھی نہ مان اے دوست

اس سے نکلیں گے بےبہا موتی
ایسی اسلام کی ہے کان اے دوست

لوٹ لے دین کا خزانہ تُو
اس سے غافل ہے سب جہان اے دوست

گر خدا کی طرف جھکے گا تُو
وہ بھی خود ہو گا مہربان اے دوست

کر تُو یادِ خدا، کہ پیری میں
تجھ کو رکھے گی یہ جوان اے دوست

(کلامِ بشیر صفحہ4-5 ایڈیشن 1963ء)

پچھلا پڑھیں

الفضل آن لائن 13 جون 2022

اگلا پڑھیں

ارشاد باری تعالیٰ