• 19 اکتوبر, 2021

تجھ پہ رحمت مدام ہو پیارے

کام صالح تھا نام طالع تھا
وہ خلافت کا عین تابع تھا
اِک توانا صبیح خادم تھا
گوہرِ پاک ابنِ ہاشم تھا
پی گیا جام وہ شہادت کا
راستہ چن لیا حلاوت کا
اسکو قادر سے خاص نسبت تھی
ابن حیدر سے اب ہوئی اس کی
اپنے پیاروں سے جا ملا ہے وہ
اب شہیدوں میں جا بسا ہے وہ
وہ ظفر یابِ زندگانی ہوا
نام یوں اسکا جاودانی ہوا
اس کی یادوں کو یوں سجائیں گے
اپنے سجدوں میں ہم بسائیں گے
تجھ پہ رحمت مدام ہو پیارے
تجھ کو میرا سلام ہو پیارے

(مبارک احمد ظفر۔ لندن)

پچھلا پڑھیں

الفضل آن لائن 14 ستمبر 2021

اگلا پڑھیں

ارشاد باری تعالیٰ