قطعات، رباعیات
حضرت ڈاکٹر میر محمد اسماعیل صاحب سے انتخاب
کیسی ہے کریم اُس خدا کی درگاہ
جس نے کیا ہم کو نیک بد سے آگاہ
گر ہم کو سہارا ہے تو ہے اُس کا ہی
لَا حَوْلَ وَ لَا قُوَّۃَ اِلَّا بِاللّٰہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نَفس کی خاطِر سے گر کرتا ہے تو
یہ عِبادت، یہ طَہارت، یہ وُضو
غیر کی خاطِر بھی کچھ قُربان کر
لَنْ تَنَالُوا الْبِرَّ حَتَّى تُنْفِقُوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فَضل پر گو مُنحصر ہے سب عطا
پر عمل ہیں جاذِبِ فَضلِ خدا
اس لئے نیکی میں کوشش صرف کر
لَیْسَ لِلْاِنْسَانِ اِلاَّ مَا سَعٰی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقصد اپنا اب واللہ
کوئی نہیں ہے جُز اللہ
عشق چڑھا تب بولا دِل
لَا اِلٰہَ اِلَّا اللّٰہ