صد سالہ جوبلی کے منانے کا دن ہے آج
اسلام کے حسین فسانے کا دن ہے آج
اسلام پر چڑھا ہے نئی عظمتوں کا دن
امن و سکون جگ میں بسانے کا دن ہے آج
خوش ہے ہر ایک شخص فضا خوشگوار ہے
روحانی خوشبوؤں میں نہانے کا دن ہے آج
ہر ملک گا رہا ہے ترانے خوشی بھرے
اپنے گھروں کو خوب سجانے کا دن ہے آج
احمدؑ ہیں ماہ تاب، محمدؐ ہیں آفتاب
صدق وفا کے گیت سنانے کا دن ہے آج
غم کی سیاہ رات تو کب کی گزر چکی
اب تو خوشی سے ہنسنے ہنسانے کا دن ہے آج
نفرت نہیں کسی سے، محبت سبھی سے ہے
سارے جہاں کو ساتھ ملانے کا دن ہے آج
ناراضگی کو جانے دو غصے کو بھول جاؤ
روٹھے ہوؤں کو دل سے منانے کا دن ہے آج
ہوں واقفینِ زندگی یا واقفینِ نو
جگ میں انہی کی شمعیں جلانے کا دن ہے آج
(محمد امجد خان۔ آسٹریلیا)