اَللّٰهُمَّ إِنِّي أَعُوْذُ بِكَ مِنْ مُنْكَرَاتِ الْأَخْلَاقِ وَالْأَعْمَالِ وَالْأَهْوَآءِ
(سنن ترمذی أَبْوَابُ الدَّعَوَاتِ عَنْ رَسُولِ اللَّهِ ﷺبَاب دُعَاءِ أُمِّ سَلَمَةَحدیث: 3591)
ترجمہ:اے اللہ!میں برے اخلاق اور برے اعمال اور بری خواہشات سے تیری پناہ چاہتا ہوں۔
یہ سید ومولیٰ پیارے نبی حضرت محمد مصطفیٰﷺ واحمد مجتبیٰﷺ کی سیدھے راستے پر چلنے کی اور برے اخلاق سے بچنے کی جامع دعا ہے۔
ہمارے پیارے امام سیّدنا حضرت مرزا مسرور احمد خلیفۃ المسیح الخامس ایَّدہ اللہ تعالیٰ بنصرہ العزیز اس اہم دعا کی طرف ہماری رہنمائی کرتے ہوئے فرماتے ہیں:
پھر آنحضرت صلی اللہ علیہ وسلم نے ہمیں ایک دعا سکھائی، جو اپنے آپ کوسیدھے راستے پر چلانے اور اپنی خواہشات، اعمال اور اخلاق کو اللہ تعالیٰ کی دی ہوئی تعلیم کے مطابق چلانے کے لئے بہت ضروری ہے۔ اور آجکل جیسا کہ میں نے پہلے بھی بتا دیا ہے کہ اتنی مختلف النوع برائیاں پھیلی ہوئی ہیں کہ اللہ تعالیٰ کی پناہ میں آئے بغیر ان سے بچنا اور ان سے نجات بہت مشکل ہے۔ اس لحاظ سے آنحضرت صلی اللہ علیہ وسلم کی جو یہ دعا ہے، یہ بھی اس زمانے کے لئے بڑی ضروری ہے۔ حضرت زیادبن علاقہؓ اپنے چچا عتبہ بن مالک سے روایت کرتے ہیں کہ آنحضرت صلی اللہ علیہ وسلم یہ دعا مانگا کرتے تھے: اَللّٰهُمَّ إِنِّي أَعُوْذُ بِكَ مِنْ مُنْكَرَاتِ الْأَخْلَاقِ وَالْأَعْمَالِ وَالْأَهْوَآءِ
(خطبہ جمعہ 20؍ اکتوبر 2006ء، خطبات مسرور جلد4 صفحہ:536)
اہم اسلامی مہینے رمضان المبارک میں برے اخلاق اور برے اعمال اور بری خواہشات سے بچنا ہی اس مقدس مہینہ کی اصل روح ہے ۔اللہ تعالیٰ ہم سب کو سیدھے راستے پر چلائے۔
(مرسلہ:مریم رحمٰن)
