رَبَّنَاۤ اَتۡمِمۡ لَنَا نُوۡرَنَا وَ اغۡفِرۡ لَنَا ۚ اِنَّکَ عَلٰی کُلِّ شَیۡءٍ قَدِیۡرٌ
(سورۃ التحریم آیت نمبر9)
ترجمہ:اے ہمارے ربّ! ہمارے لئے ہمارے نور کو مکمل کردے اور ہمیں بخش دے۔ یقیناً تو ہر چیز پر جسے تُو چاہے دائمی قدرت رکھتا ہے۔
یہ قرآنِ مجید کی ترقیاتِ روحانی اور مغفرتِ الٰہی کی دعا ہے۔
اس دعا سے قبل کے قرآنی الفاظ کچھ یوں ہیں کہ اے لوگو جو ایمان لائے ہو! اللہ کی طرف خالص توبہ کرتے ہوئے جھکو۔ بعید نہیں کہ تمہارا ربّ تم سے تمہاری برائیاں دورکردے اور تمہیں ایسی جنتوں میں داخل کرے جن کے دامن میں نہریں بہتی ہیں، جس دن اللہ نبی کو اور ان کو رُسوا نہیں کرے گا جو اس کے ساتھ ایمان لائے۔ ان کا نور ان کے آگے بھی تیزی سے چلے گا اور ان کے دائیں بھی۔
گویا کہ اس دعا میں خدا کا مومنوں کے ساتھ وعدہ ہے کہ جب وہ اپنی اصلاح کر لیں گےاور سچی توبہ کرینگے تو اللہ تعالیٰ ان کوآیت میں مذکورہ انعامات سے نوازے گا۔
(مرسلہ: قدسیہ محمود سردار)
