ایران میں کورونا متأثرین میں انتہائی اضافہ/آسٹریلیا کی ریاست وکٹوریا میں وبا کا پھیلاؤ/پولینڈ میں تعلیمی ادارے ستمبر میں کھل سکیں گے/ہالینڈ میں لاک ڈاؤن کی طرف رجحان/سپین کا 1.7 بلین یورو امداد کااعلان/جنوبی افریقہ کے 2 وزراء کورونا کا شکار/اُمان میں رات کا لاک ڈاؤن نافذالعمل
اعدادو شمار
متاثرہ افراد :1 کروڑ47لاکھ30 ہزار اموات: 6لاکھ10ہزار
براعظم صورتحال
(عالمی ادارہ صحت کے ماتحت علاقے)
| براعظم/ علاقے | متأثرین |
| امریکہ | 7702075 |
| یورپ | 3079218 |
| مشرقی بحیرہ روم کے علاقے (مصر ، لیبیا،شام ، فلسطین،ترکی وغیرہ) | 1478141 |
| جنوب مشرقی ایشیا | 1400544 |
| افریقہ | 611185 |
| جزیرہ جات (نیوزی لینڈ،آسٹریلیاء ،فجی ، جاپان ، ملائیشیاء وغیرہ ممالک) | 266190 |
درجہ بندی ممالک بلحاظ متأثرین
| ملک | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | امریکہ | 3748248 | 139964 | 62788 | 496 |
| 2 | برازیل | 2098389 | 79488 | 23529 | 716 |
| 3 | ہندوستان | 1155191 | 28084 | 37148 | 587 |
| (who.int) | |||||
| افریقہ |
کل متأثرین: 7لاکھ 36ہزار اموات: 15ہزار 4سو ریکور ہونے والے: 3لاکھ 89ہزار (African News) |
||||
| درجہ بندی | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | جنوبی افریقہ | 373628 | 5173 | 9300 | 140 |
| 2 | مصر | 88402 | 4352 | 627 | 50 |
| 3 | نائجیریا | 37225 | 801 | 562 | 12 |
دنیا بھر میں اب تک اس وائرس سے24 گھنٹوں میں 1 لاکھ 47 ہزار افراد RECOVERہوئے ہیں۔جبکہ اب تک RECOVER ہونے والوں کی کُل تعداد 83لاکھ25ہزار ہے۔ جن میں برازیل میں سب سے زیادہ15لاکھ21ہزار لوگRecover ہوئے،اس کے بعدامریکہ میں11لاکھ60ہزار جبکہ ہندوستان میں7 لاکھ24ہزار Recover ہوئے ہیں۔
(John Hopkins University)
گزشتہ 24 گھنٹوں میں عالمی سطح پر متأثرین کی تعدادمیں تشویشناک1لاکھ 89ہزارکااضافہ ہوا۔اسی طرح اموات میں3ہزار 6سوکااضافہ ہوا ہے۔
عالمی خبریں
- ایران میں کورونا سے ہونے والی ہلاکتوں میں گزشتہ روز سب سے زیادہ 229 کا اضافہ ریکارڈ کیا گیا ہے۔واضح رہے کہ اپریل کے وسط سے ملک میں لاک ڈاؤن میں نرمی برتنی شروع کردی گئی تھی۔(الجزیرہ)
- آسٹریلیا کی ریاست ویکٹوریا میں کورونا کے 374 مزید نئے کیسز سامنے آئے ہیں جبکہ 3 افراد ہلاک ہوچکے ہیں۔جس کے بعد حکومت نے ریاست بھر میں ماسک کی پابندی لازم قرار دے دی ہے۔(الجزیرہ)
- برطانیہ کی آکسفورڈ یونیورسٹی کے ماہرین نے تجرباتی بنیاد پر ویکسین کی بابت انتہائی پرامیدی کا اظہار کیا ہے۔ اب تک کئے گئے بعض ٹیسٹوں کی بنیاد پر امید کی جارہی ہے کہ رواں سال کے آخر تک مکمل ویکسین تیار کرلی جائے گی۔(الجزیرہ)
- پولینڈ حکومت نے نئے تعلیمی سال یعنی ستمبر کے مہینہ سے تمام تعلیمی ادارے دوبارہ کھولنے کا اعلان کیا ہے۔البتہ حکومت نے اس سے پیشتر ہر قسم کے حفاظتی اقدامات کرنے کا بھی بھرپور یقین دلایا ہے۔ واضح رہے کہ مارچ کے وسط میں ملک گیر تمام تعلیمی ادارے بند کردئے گئے تھے(الجزیرہ)
- ہالینڈ میں کورونا کے کیسز دوبارہ منظر عام پر آنے لگ گئے ہیں جس کے بعد ملک گیر احتیاطی تدابیر میں سختی آنے لگ گئی ہے۔گزشتہ ہفتے 987 افراد میں کورونا کی تشخیص ہوئی ہے۔(الجزیرہ)
- سپین نے ضرورتمند ممالک کیلئے 1.7 بلین یورو امداد دینے کا فیصلہ کیا ہے۔ جس کا اعلان وزیر خارجہ نے گزشتہ روز کابینہ اجلاس کے بعد کیا (الجزیرہ)
- جنوبی افریقہ میں 2 وزراء کورونا سے متأثر ہوکر ہسپتال داخل ہیں۔ان دونو ں میں گزشتہ ہفتہ کورونا کی تشخیص ہوئی تھی جس کے بعد ڈاکٹری ہدایت پر انہیں ہسپتال داخل کردیا گیا تھا۔(الجزیرہ)
- اُمان میں عید الاضحی کے موقع پر کورونا سے بچاؤ کو یقینی بنانے کیلئے ملک میں 25 جولائی سے 8 اگست تک اندرون ملک تمام پروازیں بند کرنے کا اعلان کیا گیا ہے۔علاوہ ازیں رات 7 بجے سے صبح 6 بجے تک کے لاک ڈاؤن کا نفاذ بھی کیا جائے گا۔(الجزیرہ)
(ابوحمدانؔ)
