بِسْمِ اللّٰهِ، وَالسَّلَامُ عَلَى رَسُولِ اللّٰهِ، اَللّٰهُمَّ اغْفِرْلِیْ ذُنُوْبِیْ وَافْتَحْ لِیْ أَبْوَابَ رَحْمَتِكَ۔
(مسند امام احمد بن حنبل حدیث فاطمہ بنت رسول ﷺ حدیث نمبر: 26417)
ترجمہ:اللہ کے نام کے ساتھ ،اللہ کے رسول پر سلامتی ہو۔اے میرے اللہ!میرے گناہ بخش اور اپنی رحمت کے دروازے میرے لئے کھول دے۔
یہ پیارے رسولِ اکرم حضرت محمد ﷺ کی مسجد میں داخل ہونے کی دعا ہے۔
حضرت فاطمۃ الزہراءؓ بیان کرتی ہیں کہ آنحضرت ﷺ جب مسجد میں داخل ہونے لگتے تو یہ دعا پڑھتے تھے۔
حضرت ابوسعیدؓ بیان کرتے ہیں کہ رسول اللہ ﷺ نے فرمایا کہ:
جب تم کسی شخص کو مسجد میں عبادت کے لئے آتے جاتے دیکھوتو تم اس کے مؤمن ہونے کی گواہی دو، اس لئے کہ اللہ تعالیٰ فرماتا ہے:
اللہ کی مساجد کو وہی لوگ آباد کرتے ہیں جو خدا اور آخرت کے دن پر ایمان رکھتے ہیں۔
(جامع ترمذی)
(مرسلہ: مریم رحمٰن)
