خدام الاحمدیہ کی علمی ریلی
جرمنی کے ریجن Reinland pfalz سے ایک رپورٹ
اللہ تعالیٰ کی دی ہوئی توفیق سے خدام الاحمدیہ جرمنی اپنے خدام کو مستعدو کمربستہ رکھنے کے لیے مختلف قسم کی سرگرمیاں کرتی رہتی ہے۔جسمانی طاقت کو مضبوط و سرگرم رکھنے کے لیے سپورٹس کے پروگرام بنائے جاتے ہیں۔ علمی طاقوں کو تیز ترکرنے کے لیےعلمی ریلیاں منعقد کی جاتی ہیں۔ جہاں پر ان محفلوں میں حفاظ کرام قرآن کریم کو سریلی اورمیٹھی آواز میں پیش کرتے ہیں وہاں پر شعلہ بیان مقرر اپنی تقاریر کا جادوجگاتے ہیں۔ خوش آواز بھی ان محلفوں کی رونقوں کودوبالا کرتے ہیں جب خوش الحانی سے نظمیں پڑھتے ہیں۔ اسی طرح کی ایک علمی ریلی کا انعقاد 6 جون 2022ء کو مسجد حمد wittlich میں ہوا۔جس میں ریجن Reinland pfalz کے خدام شامل ہوئے۔مکرم انیس احمد صاحب ریجنل قائدکی سرپرستی میں یہ علمی ریلی عمل میں آئی۔لیکن ان کے ساتھ سید البار احمدصاحب نائب ریجنل قائد نے دائیں بازو کا کام کیا۔جبکہ ناظم اعلیٰ کی ذمہ داری عزیزم اُسامہ قمرقائد مجلسwittlich نے نبھائی۔ صبح 9 بجے ہی خدام کی آمد کا سلسلہ شروع ہوا اور رجسٹریشن عزیزم جاہد احمد ناصرکے ہاتھوں ہوئی۔ناشتہ کروانے والی ٹیم نے ناشتہ کرواکر مہمان داری کا آغاز کیا۔ اس ٹیم میں ذیشان احمدبٹ، ابرار حسین، بلال حسین، مامون احمد اورہماری جماعت کےایک فعال طفل حسام جاوید رانا تھے۔ وقتِ مقررہ پر افتتاحی تقریب عمل میں آئی جس کی صدارت مکرم سلمان طیب صاحب مہتمم تعلیم نے کی جو کہ مکرم صدر صاحب خدام الاحمدیہ جرمنی کی نمائند گی میں تشریف لائے تھے۔ تلاوت قرآن کریم عزیزم حافظ ثاقب محمود صاحب نے کی اور اردو ترجمہ بھی موصوف نے ہی پیش کیا۔ تلاوت کی گئی آیات کاجرمن ترجمہ عمران ظفر صاحب کے حصہ میں آیا۔ خدام کا عہدمرکزی نمائندہ نے ہی دہرایا۔ خوش آوازو خوش نوائی میں نظم پڑھنے کی توفیق مصباح الرحمان کوملی۔ افتتاحی کلمات خاکسار کے حصے میں آئے۔ خاکسار نے خدام کو نماز قائم کرنے کی طرف ترغیب دلاتے ہوئے اس کے فوائدو ثمرات بیان کئےاوراس کے نتیجہ میں حاصل ہونے والے اللہ تعالیٰ کے افضال وبرکات کا ذکر بھی کیا گیا۔ اس کے بعد چند ایک سنہری الفاظ مرکزی مہمان نے پیش کیے اور حاضرین کو خلافت کے ساتھ مضبوط تعلق قائم کرنے کی طرف توجہ دلائی۔ بعدہٗ علمی مقابلہ جات کی باری آئی۔ان مقابلہ جات کی نگرانی منور کاشف صاحب نے بھر پور حق ادا کر تے ہوئےکی۔ منصفی کے فرائض خاکسار کےساتھ دو مربیان کرام مکرم انصر احمدصاحب، مکرم مصور احمد شمس صاحب اورلوکل جماعت کے صدر صاحب مکرم طاہراحمد ظفر صاحب نے ادا کیے۔ تلاوت، حفظ قرآن، نظم، تقریر اردو وجرمن کے مقابلہ کے لیے خدام میدان میں آئے۔جج صاحبان نے کافی محنت کے ساتھ جانچ وپڑتال کرکےمقابلہ جات میں اوّل، دوم او رسوم آنے والے خدام کا نتیجہ مرتب کیا۔ پوزیشن لینے والے خدام نے انعامات مربیانِ کرام کے ہاتھوں سے وصول کیے۔اختتامی کلمات منورکاشف صاحب نے کہےاور مکرم صدرصاحب خدام الاحمدیہ کا پیغام حاضرین تک پہنچاتےہوئے تمام خدام کا شکریہ ادا کیا۔ ریلی کے اختتام کو پہنچنے پر نعرائے تکبیر کی صداؤں سے خدام نے ماحول کو گرم کیا۔ نمازِظہرو عصر کی ادائیگی کے ساتھ ہی کھانے کی میزوں پرپلاؤ اور ذردہ موجود تھاجو کہ مہمانوں کو اپنی خوشبو کی مہلک سے اپنی طرف بلارہا تھا۔ خدام جی بھرکر اس سے لطف اندوز ہوئے اور پکانے والوں کے لیے دعا ئیں دیتے رہے۔ کھانا پکانے کی ذمہ داری مقامی کھانے کی ٹیم نے ادا کی جس کے نگران سیکرٹری صاحب ضیافت رانا جاوید اقبال صاحب تھے۔ ان کے ساتھ قمر زمان صاحب اور چوہدری فراز احمد نے مکمل تعاون کرتے ہوئے اپنے فرض کو ادا کیا۔ آب و طعام کو تقسیم کرنے کے فرائض محمدشاہد بٹ صاحب اور ان کی ٹیم نے ادا کیے۔ وائنڈ اَپ اور وقار عمل کےلیے مامون احمد، ابرار احمد،جاہد احمد ناصر، ارشد علی اور شفیق بٹ صاحبان نے اپنے آپ کو پیش کیااور مسجد کی صفائی وستھرائی میں مدد کی۔یوں یہ پُر وقار مجلس ایک نیا ولولہ خدام کے دلوں میں پیدا کرتی ہوئی اپنے اختتام کو پہنچی۔شرکاء کی تعداد 120 تک نوٹ کی گئی۔ اللہ تعالیٰ اس ریلی کو کامیاب کرنے اوراس میں شامل ہونے والوں کے ساتھ ہو اور اپنےہر قسم کےخزانوں میں سے ان کو وافر حصّہ عطا فرمائے۔ آمین
(رپورٹ: جاوید اقبال ناصر۔ مربی سلسلہ جرمنی)
