حضرت ابوشریحؓ بیان کرتے ہیں کہ حضور صلی اللہ علیہ و سلم نے فرمایا کہ جو شخص اللہ تعالیٰ اور یوم آخرت پر ایمان رکھتا ہے اس کے لیے ضروری ہے کہ وہ مہمان کی عزّت کرے اور ایک دن رات سے تین دن رات تک اُسے مہمان رکھے۔ اگر اس سے زائد عرصہ مہمان اس کے پاس ٹھہرتا ہے اور وہ اس کی مہمان نوازی کرتا ہے تو یہ اس کی طرف سے صدقہ اور نیکی کی بات ہوتی ہے اور مہمان کے لیے یہ مناسب نہیں کہ وہ تین دن سے زیادہ (بلا اجازت) اس کے ہاں ٹھہرا رہے اور میزبان کو تکلیف میں ڈالے۔
(ابو داؤد کتاب الاطعمۃ باب فی الضیافۃ)
