جامِ اُلفت مجھے پلا کوئی
کہتا ہے تیرا مبتلا کوئی
تجھ سا ملتا تو چاہتے بھی اُسے
ہم کو تجھ سا نہیں ملا کوئی
دیکھ کر تجھ کو دیکھتا ہی رہا
محو حيرت ہے آئینہ کوئی
کتنا کنگال ہو گیا جس کی
آنکھ میں اشک نہ رہا کوئی
سنتا ہے اور بولتا ہی نہیں
ہے عجب شیخ کا خدا کوئی
تیری باتوں سے زخم بھرنے لگے
درد کو مل گئی دوا کوئی
لالہ زاروں سے بھر گئی ہے زمیں
اب کے ایسی چلی ہوا کوئی
ہر قدم پر ملی شعاعِ نور
ہر قدم پر ہے نقشِ پا كوئی
زندگی تیرے بن اذیت ہے
زندگی تیرے بن سزا کوئی
سایہء شفقتَش بہشت نظیر
ورنہ ہر سو ہے کربلا کوئی
سائباں بن کے ساتھ رہتی ہے
میرے محبوب کی دعا کوئی
عصرِ ظلمات ہے مگر اس میں
تیرا ہر لفظ ہے دِیا کوئی
(محمد طاہر ندیم۔لندن)
