ہم واقفینِ نَو ہیں
دنیا کو جیت لیں گے
قرآن پڑھ کے اچھے
انسان ہم بنیں گے
سیکھیں گے ہم نمازیں
اور شوق سے پڑھیں گے
آقا جو رہ بتائیں
اُس پر سداچلیں گے
سچ بات ہم سنیں گے
سچ بات ہم کہیں گے
دنیا کو راستی سے
ہم آشنا کریں گے
ہم کلیاں پھول بن کر
خوشبو دیا کریں گے
آقا کی ہم دعا ہیں
پھولیں گے اور پھلیں گے
ہم صاف ستھرے بچے
گندے نہیں رہیں گے
کھیلیں گے وقت پر ہم
اور وقت پر پڑھیں گے
بولیں گے پیار سے ہم
جھگڑا نہیں کریں گے
اللہ کی نعمتوں کو
ضائع نہیں کریں گے
ہم چاند، ہم ستارے
ہم روشنی بنیں گے
ماں باپ کے کرم کے
ممنون ہم رہیں گے
اُن کے لیے ہمیشہ
دل سے دعا کریں گے
سب واقفینِ نَو کے
حق میں دعا کریں گے
(امۃ الباری ناصر۔ امریکہ)
