شبد زندہ رہیں یا مر جائیں

شبد زندہ رہیں یا مر جائیں
اپنے حصّے کی بات کر جائیں

حکم تھا، چھوڑ کر چلے جاؤ
کچھ بتایا نہیں کدھر جائیں

خاکِ پا ہیں، پڑے رہیں گے کہیں
آپ خوش باش اپنے گھر جائیں

یوں بھی اک دن تو مر ہی جانا ہے
آؤ اک دوسرے پہ مر جائیں

رینگتے جائیں مسجدوں کی طرف
دنیا داری کو دوڑ کر جائیں

پانی سر سے گزر نہ جائے کہیں
توبہ توبہ کریں، سدھر جائیں

جان ہے تو جہان ہے جاذل
جب ڈرائے کوئی تو ڈر جائیں

(جواد جاذل)