نظام وصیت

خدا کی رضا ہے نظامِ وصیت
بشر کی بقا ہے نظامِ وصیت

جو جنت کی راہوں پہ لے کر چلے ہے
وہی رہنما ہے نظامِ وصیت

یہ خود احتسابی پہ مائل کرے ہے
کہ اک آئینہ ہے نظام وصیت

خدا اور بندے کے مابین دیکھو!
کھلا راستہ ہے نظامِ وصیت

چلو، آؤ! جنت کے درجے بتاؤں
یہ خود کہہ رہا ہے نظامِ وصیت

حوادث کی آندھی، زلازل کے جھٹکے
محافظ بنا ہے نظام وصیت

اگرچہ ہیں ساری ہی تحریکیں اچھی
پہ سب سے جدا ہے نظام وصیت

یتیموں کا، بیواؤں کا اک سہارا
مسلسل رہا ہے نظام وصیت

یہ بچوں کی ماں ہے، سہاگ عورتوں کا
عطا ہی عطا ہے نظامِ وصیت

بڑی خوش نصیبی، فراز! ہم نے پائی
جو ہم کو ملا ہے نظام وصیت

(اطہر حفیظ فراز)