خواب میں ڈر جانے پر دُعا
حضرت عبد اللہ بن عمروؓ بیان کرتے ہیں کہ رسول کریم صلی اللہ علیہ وسلم نے فرمایا کہ اگر کوئی نیند میں ڈر جائے تو یہ دُعا پڑھے اُسے کوئی چیز نقصان نہ پہنچائے گی۔ حضرت عبد اللہؓ اپنے بچوں کو یہ دُعا یاد کرایا کرتے تھے۔ نیز مالکؓ بن انس کی روایت میں ہے کہ خالدؓ بن ولید نیند میں ڈر جاتے تھے اُن کو رسولؐ خدا نے یہ دُعا سکھائی:
اَعُوْذُ بِکَلِمَاتِ اللّٰہ ِ التَّامَّۃِ مِنْ غَضَبِہٖ وَشَرِّ عِبَادِہٖ، وَمِنْ ھَمَزَاتِ الشَّیْطَانِ وَاَنْ یَّحضُرُونِ
(سنن أبي داود كتاب الطب باب كيف الرقى)
ترجمہ: مَیں اللہ کے کامل و مکمل کلمات کی پناہ میں آتاہوں، اُس کے غضب سے، اُس کے بندوں کے شر سے، شیطانی وساوس سے اور اس بات سے کہ مجھے ان کا سامنا کرنا پڑے۔
(مناجات رسولؐ از خزینۃ الدعا مرتبہ علامہ ایچ ایم طارق ایڈیشن2014ء صفحہ123-124)
(مرسلہ:عائشہ چوہدری۔ جرمنی)
